Thursday, July 31, 2008

பந்தயம்- சின்ன கதை

அசோக்கும்,குமாரும் பால்ய நண்பர்கள்.இருவரும் வசதியானவர்கள்.
ஒரு நாள் அவர்கள் இருவரும் தொலைக்காட்சியில் இந்தியா,இலங்கை
இடையே நடைபெற்ற கிரிக்கெட் மேட்ச் பார்த்து கொண்டிருந்தனர்.
அப்போது குமாரிடம் அசோக் ,இன்று இந்தியா வெற்றி என்று சொல்ல ,
அதற்கு குமார் இல்லடா அசோக் ,இலங்கை விளையாடறத பாத்தா
அவங்க தான் ஜெயிப்பங்கனு தோணுது என்றான்.

இருவருக்கும் வாக்குவாதம் நடந்தது.இருவரும் சேர்ந்து
ஒரு முடிவுக்கு வந்தனர்.இந்தியா தோற்றால் குமாருக்கு
அசோக் விலை உயர்ந்த கார் வாங்கி தரவேண்டும் என்றும்,
இலங்கை தோற்றால் அசோக்கிற்கு குமார் உலகை சுற்றி
காண்பிக்க வேண்டும் என்றும் முடிவானது.

போட்டி விருவிருப்பாக நடந்தது. இலங்கை 50 ஓவர்களில்
350 ரன்கள் எடுத்தது.இரண்டாவதாக ஆட வந்த
இந்திய அணியில் சச்சின் பொறுமையாக ஆட,
மறுபுறம் சேவாக் விளாசினார்.சிறிது நேரத்திற்கு பின்
சேவாக் ஆட்டமிழக்க ,ஒவ்வொரு விக்கெட்டாக விழ ஆரம்பித்தது .

கடைசி ஓவரில் இந்தியா 330 ரன்களுக்கு 8 விக்கெட் இழந்திருந்தது.
இன்னும் 6 பந்துகளில் 21 ரன்கள் எடுக்க வேண்டும்,முரளிதரன்
பந்து வீச சச்சின் மளமளவென்று 5 பந்துகளை பௌண்டரிக்கு
விரட்டினார். கடைசி பந்தையும் சச்சின் பௌண்டரிக்கு விரட்டினார்.
மைதானம் எங்கும் கரவொலி, சிரிப்பொலி,ஆட்டம்,பாட்டம்.

குமார் அப்படியே சோர்ந்து போய் உட்கார்ந்தான்,பந்தயத்தில்
தோற்று விட்டோமே என்ற வருத்தம் அவன் முகத்தில் தெரிந்தது .
இதை கவனித்த அசோக்,டேய் குமார் கவலை படாதே டா.
நானே உனக்கு உலகை சுற்றி காண்பிக்கறேன் என்று சொல்லி
அவனையும் அழைத்து கொண்டு கிளம்பினான்.அசோக் தன் வீட்டில்
இருந்த உலக உருண்டையை சுற்றி காண்பிக்க ,அதை சந்தோஷமாக
பார்த்து மகிழ்ந்தனர் நான்காவது படிக்கும் குமாரும்,அசோக்கும்.

Tuesday, July 29, 2008

சமைத்து பாருங்கள்

சாப்பாட்டு விஷயத்தில் ஆண்கள் பாவப்பட்டவர்கள்.
நான் ஏன் இப்படி சொல்றேன்? வீட்டில் பெண்கள்
(அம்மா,மனைவி,சகோதரி)யாராக இருந்தாலும்
அவர்கள் சமையலை நாம் எதுவும் குறை சொல்ல கூடாது.
அப்படி சொன்னால்? உன் பொண்டாட்டி வந்து சமைப்பா,
அப்போ பாக்கறேன் (அம்மா, அக்கா,தங்கை சொல்வது).
நீங்க வந்து சமைச்சு பார்த்தால் தான் தெரியும் (மனைவி சொல்வது).
இதை கேட்டு கேட்டு நான் ரொம்ப நொந்திருக்கிறேன்....

சில வருடங்களுக்கு முன் விளையாட்டாக சமையல்
கத்துக்கொள்ள ஆரம்பித்தேன்..இப்பொழுது அவர்கள்
என் சமையலை நன்றாக இருக்கிறது என்று (நெஜமா)
சொல்லும் அளவிற்கு சமைக்க தெரியும்.

ஏதோ எனக்கு தெரிந்த சிலவற்றை உங்களுடன் பகிர்ந்து கொள்கிறேன்...
இதை செய்து பார்த்து,பாராட்டு கிடைத்தால் என்னிடம் சொல்லுங்கள்
(கிடைக்கலாம்)வேறு ஏதாவது கிடைத்தால் ? என்னை விட்டு விடுங்கள்...



இட்லி மஞ்சுரியன்
**************

தேவையானவை(2-3 பேர் சாப்பிட):
********************************

இட்லி : 8
குடைமிளகாய்: 1
வெங்காயம் : 1
சோயா சாஸ் : 3-4 teaspoon
சில்லி சாஸ் : 3-4 teaspoon
பச்சை மிளகாய் : 1 (தேவைக்கேற்ப சேர்க்கலாம்)
French onion : தேவையானால்
இஞ்சி : கொஞ்சம்
தக்காளி : 1
சால்ட் : கொஞ்சம்
கொத்தமல்லி : கொஞ்சம்
எண்ணெய் : இட்லி பொரிப்பதற்கு...
Ajinomotto : தேவையானால்

இட்லியை நன்றாக ஆறவிடவும்.பின்னர் சிறிதாக கட் செய்து கொள்ளவும்.
(ஆறாவிட்டால் இட்லி ஒட்டி கொள்ளும்)அடுப்பில் வாணலியை போட்டு
நன்றாக எண்ணெய் காயும் வரை காத்திருக்கவும்.
பின்னர் இட்லியை நன்றாக பொறித்து கொள்ளவும்.

மேலே குறிப்பிட்டுள்ள காய்களை நறுக்கி,சால்ட் போட்டு நன்றாக
வதக்கவும்.பின்னர் சோயா சாஸ்,சில்லி சாஸ் சேர்த்து மேலும் வதக்கவும்.
இவை நன்றாக வதங்கியதும் , பொறித்து வைத்த இட்லியை சேர்த்து
கிளர வேண்டும்.கொத்தமல்லியை அதன் மேல் தூவுங்கள்.
அவ்வளவு தான் : இட்லி மஞ்சுரியன் ரெடி...


பொரிச்ச ரசம்:
************

பெயர் காரணம் தெரியாது

தேவை:

கடலை பருப்பு : 3 tablespoon
உளுந்து : 1 tablespoon
சீரகம் : 2 tablespoon
மிளகு : 2 tablespoon
தேங்காய் துருவல் : 3 tablespoon
கடுகு : கொஞ்சம்
துவரம் பருப்பு : 1 கரண்டி
மஞ்சள் பொடி : சிறு துளி
எண்ணெய் : 3 tablespoon
காய்ந்த மிளகாய் : 1-2(தேவையானால்)
பெருங்காயம் : சிட்டிகை
தக்காளி : 1
கறிவேப்பிலை
கொத்தமல்லி


செய்முறை:

துவரம் பருப்பு,மஞ்சள் பொடி ஆகியவற்றை நிறைய தண்ணீர்
விட்டு குக்கரில் நன்றாக வேக விடவும்.வானலியில் எண்ணெய்
நன்றாக காய்ந்ததும் துவரம் பருப்பு,மஞ்சள் பொடி,பெருங்காயம்,
தக்காளி தவிர மற்றதை போட்டு நன்றாக வறுக்கவும்.
நன்றாக ஆறியதும் மிக்சியில் தண்ணீர் விட்டு கொஞ்சம் நறநறவென்று
அரைத்து கொள்ளுங்கள்.

வேகவைத்த தண்ணீரை(பருப்புடனோ அல்லது தண்ணீர் மட்டுமோ )
கொஞ்சம் உப்பு,தக்காளி,பெருங்காயம், போட்டு கொதிக்க விடவும்.
பின்னர் அரைத்து வைத்ததை இந்த பருப்பு நீருடன் சேர்த்து உப்பு போட்டு
நன்றாக கொதிக்க விடவும். பின்னர் கொஞ்சம் எண்ணையில் கறிவேப்பிலை,
கடுகு ஆகியவற்றை சிறிது வருத்து தாளிக்கவும்
கொத்தமல்லியை தூவவும்.

சூடான சுவையான ரசம் ரெடி.


சமைத்து பார்த்து சொல்லுங்கள்..

Thursday, July 24, 2008

மறப்போம் மன்னிப்போம்

ஆயிரம் கவலைகள் இருந்தாலும்
உன் முகம் பார்த்தால் பறந்து போகும்
எவ்வளவு கோபம் வந்தாலும்
உன் புன்சிரிப்பு எதையும் மறக்க வைக்கும்

எவ்வளவு திட்டினாலும், என்னதான் அடித்தாலும்
அடுத்த நிமிடமே வந்து கட்டிக்கொண்டு
என் முகத்தில் முத்தமிட்டு
நான் அப்பா செல்லம் என்று சொல்லும்
உன்னிடம் கற்று கொள்ள வேண்டுமடா
மறப்பதற்கும் மன்னிப்பதற்கும்....

காதலிக்கு திருமணம்

இன்னொரு சின்ன முயற்சி...


உயிரே,
கல்லூரிக்கு ஒன்றாக சென்றோம்,
கடற்கரைக்கு ஒன்றாக சென்றோம்,
திரைப்படத்திற்கு ஒன்றாக சென்றோம்,
உணவகத்துக்கு ஒன்றாக சென்றோம்,
ஆனால் திருமணத்திற்கு, உன் திருமணத்திற்கு
என்னை விட்டு தனியே சென்றுவிட்டாயே...

Wednesday, July 23, 2008

மொக்கை முயற்சி...

நாமளும் ஏதாவது புதுசா எழுதலாம்னு நினைத்தேன்

சின்ன மொக்கையான முயற்சி...

கங்குலி அவுக்கறது சட்ட
டிராவிட் போடறது மட்ட
ஹர்பாஜன் வீசறது லொட்ட
யுவராஜ் மாட்சுக்கு முன் அடிக்கறது பட்ட

தமாசு,தமாசு

**************************************************

ஒரு அரசியல்வாதி,ஒரு திருடன்,ஒரு ப்ரோக்ராம்மர் இறந்து
நரகத்துக்கு போகிறார்கள்.அவர்களுக்கு பூலோகத்தில் உள்ள
தங்கள் நண்பர்களுடன் பேச வேண்டும் என்று ஆசை.
அங்கிருக்கும் தொலைபேசியில் முதலில் அரசியல்வாதி
தன் கட்சி தலைவருடன் பத்து நிமிடம் பேசுகிறார் .
ரூபாய் இரண்டு லட்சம் பில் வருகிறது.
அடுத்து திருடன் தன் நண்பனுடன் ஐந்து நிமிடம் பேசுகிறான் .
ரூபாய் ஒரு லட்சம் பில் வருகிறது.
அடுத்து ப்ரோக்ராம்மர் தன் நண்பனுடன் ஐந்து மணி நேரம் பேசுகிறான் .
புதிய சாப்ட்வேர் பற்றி,வேலை வாய்ப்புகள் பற்றி, மேலும் பல விஷயங்கள்.
பில் எதுவும் கட்ட வேண்டாம் என்று சொல்லி விடுகிறார்கள்.
ஏன் என்று கேட்டதற்கு நரகத்திலிருந்து நரகத்திற்கு பேச
கட்டணம் இல்லை என்று வருகிறது பதில்.

**************************************************
முதலாளி : போய் செடிக்கு தண்ணி விட்டுட்டு வா.
வேலையாள் : மழை பேயுதுங்களே.
முதலாளி : அதனால என்ன குடை எடுத்துட்டு போ....

**************************************************

ஆசிரியர்: எதுக்கு தம்பி வெளில உக்காந்து எக்ஸாம் எழுதற ?

மாணவன் : இது entrance exam தானே சார்

**************************************************

கணவன் : எதுக்கு அந்த ஆரஞ்சு ஜூஸ் டப்பாவையே பாத்துட்டு இருக்க?

மனைவி: அதுல concentrateனு எழுதி இருக்குங்க.

**************************************************

டாக்டர் ; நீங்க கண்ணாடி போட்டுக்கணும் , அப்போதான் கண்ணு நல்லா தெரியும் .

நோயாளி : டாக்டர் , கண்ணாடி போட்டா நல்லா எழுத படிக்க முடியுமா?

டாக்டர்: முடியுமே அதுல என்ன சந்தேகம் உங்களுக்கு ?

நோயாளி : எனக்கு எழுத படிக்க தெரியாது , அதான் கேட்டேன்

டாக்டர்: ஐயோ....

**************************************************

ராமு : என்னோட கம்ப்யூட்டர்ல 1GB hard hisk இருக்கு நான்
எவ்வளோ சுலபமா தூக்கறேன் ,ஆனா நீ 500MB hard disk
இருக்கற கம்ப்யூட்டர் தூக்க இவ்வளோ கஷ்டப்படற?

சோமு : உன் Hard disk empty, என் disk முழுக்க data இருக்கு...

**************************************************

வாண்டு 1: ஒரு பூனை ஒரு சாக்லேட் பாதி சாப்பிட்டு மீதி மண்ணுல
பொதச்சு வெச்சுடுது,அது என்ன சாக்லேட் சொல்லு?

வாண்டு 2: தெரியலையே ...

வாண்டு 1: கேட் பரிஸ் சாக்லேட்.

வாண்டு 2: ???

**************************************************

A villager had called an Englishman for lunch.
Seeing curd the guest asked how is it made?
Since he did not know proper English, He said,
"Milk sleeping in night, morning becomes tight."

**************************************************

Thursday, July 10, 2008

குழந்தை மனம்

இன்று சாப்பாடு டப்பா எடுத்து வர மறந்து விட்டேன்.
என் மனைவியிடம் போன் செய்து சொன்னதும் ,
என் மகன் போனை பிடுங்கி கொண்டான்

கேஷவ்: இன்னிக்கு நீ டிபின் மறந்து போய்ட்டியா?

நான் : ஆமாம்டா கண்ணா.அவசரத்துல மறந்து போயிட்டேன்

கேஷவ் : இனிமே மறக்க கூடாது சரியா?

நான் : சரிடா செல்லம்.

கேஷவ் : உனக்கு பசிச்சா என்ன பண்ணுவ?

நான்: bread வாங்கிக்கறேன், nesquik வாங்கிக்கறேன்

கேஷவ்: நீயே nesquik கலந்து சாபிடுவியா? அங்க முடியுமா?

நான் : இல்லடா கண்ணா கடைல வாங்கிக்கறேன்.

கேஷவ்: சரி வேற ஏதாவது கூட சாப்பிடு , உனக்கு ரொம்ப பசிக்கும்.

நான் : Thank you செல்லம்.


I am blessed!!!


எதற்கு இதை எழுதுகிறேன் என்றால் , குழந்தைகளுக்கு எல்லாம் தெரிந்திருக்கிறது,நாம் அவர்களிடம் அன்பாக பழகினாலே அவர்கள் ஒழுங்காக வளருவார்கள், எல்லோரிடமும் அன்புடன் இருப்பார்கள்.

Wednesday, July 9, 2008

பேர கேட்டாலே

இந்த பதிவை என் அருமை மகனின் ரஜினி வெறி!!பற்றி
எழுத வேண்டும் என்பதற்காக போடுகிறேன்.


கேஷவ் :அப்பா நான் ரஜினி மாதிரி இருக்கேனா?

நான் : எதுக்குடா அப்படி கேக்கற?

கேஷவ் : இல்ல ரஜினி அங்கிள் ஒரு படத்துல இப்படித்தான் கோட்
போட்டுண்டு வருவார்.நான் இத போட்டுண்டு ரஜினி
மாதிரியே என்ன படுதரவங்கள எலாம் அடிச்சிடுவேன்.

***********************************************

சில நாட்களுக்கு முன் (சிவாஜி ரிலீஸ் ஆன புதிதில் )

கேஷவ்: அப்பா என பேர மாத்தி வெச்சிடு

நான் : என்னடா சொல்ற

கேஷவ்: ஆமாம், என் பேர சிவாஜின்னு மாத்தி வெச்சிடு ,
இல்லனா ரஜினின்னு மாத்திடு.

நான் : எதுக்கு?

கேஷவ்: அப்போ தான் என் பேர கேட்டாலே அதிரும்

நான்: ???

***********************************************

நான்: ஒழுங்கா சாபிடு அப்போதான் உனக்கு ஹனுமான் மாதிரி கை பலமா இருக்கும்

கேஷவ்: இல்ல எனக்கு ரஜினி மாதிரி பலம் வேணும்

நான்: என்னடா?

கேஷவ் : ரஜினி தான் ஹனுமான விட power ஜாஸ்தி,
ஏன்னா ரஜினி அங்கிள் தான் ஒரே சமயத்துல நெறைய பேர அடிப்பார்.


என்னால முடியல :)))
***********************************************

Tuesday, July 8, 2008

சம்மர் ஆரம்பித்துவிட்டது....

மாட்ரிட்ல சம்மர் ஆரம்பித்துவிட்டது. அதிக பட்ச வெப்பநிலை 38 டிகிரி
(ஒரு சில நாட்கள் மட்டுமே), மீதி நாட்கள் 33-34 இருக்கிறது.
எல்லா வருடமும் இப்படித்தான் இருக்குமாம் .இதற்கே இவர்களால்
தாங்க முடியவில்லை. வேலை நேரம் இரண்டு மாதங்களுக்கு மாற்றி
அமைக்கபட்டு விட்டது.எல்லோரும் காலை எட்டு மணி முதல்
மாலை 3 மணி வரையிலேயே வேலை செய்கிறார்கள்.

நேற்று ஒருவர் என்னிடம் நீங்கள் எப்படி இந்த வெயிலை தாங்குகிறீர்கள்?
என்னால் முடியவில்லை என்று சொன்னார். நான் சிரித்து கொண்டே
இதெல்லாம் சென்னை வெயிலை பார்த்தல் ஜுஜுபீ என்று சொன்னதும்
அவர் முகம் போனதை பார்க்க வேண்டுமே.அவர் மேலும் கூறுகையில்
என்னால முடியலன்னு பொலம்பி விட்டு swimming pool
போக வேண்டும்,தண்ணீரில் (அட H2O தாங்க) மிதக்க வேண்டும்
என்று சொன்னார்.நான் மனதிற்குள் ,எங்க ஊரில் எல்லாம் எருமை (!!)
தான் தண்ணீரில் மிதக்கும் என்று நினைத்து கொண்டேன் :-))

பாதி ஊர் காலியாகி விட்டது, முக்கால்வாசி பேர் லீவுக்கு வெளியூர்
போய் விட்டனர் (அனுபவிக்கறாங்க!!).மொத்தத்தில்
ஜீன்ஸ் பட பாட்டு மாதிரி நடந்து கொள்கிறார்கள்
"சனி,ஞாயிறு காலம் சொன்னது என்னது,
மெஷின் எல்லாம் மனிதராக சொன்னது"
ஆனால் சில சமயம் வார நாட்களையே இப்படி ஆக்கி விடுகிறார்கள்.

இந்தியர்களும் இது போல (இப்பொழுது கொஞ்சம் பரவாயில்லை)
வாழ்க்கையை அனுபவிக்க வேண்டும்.ஏதோ நாமால் முடிந்தது அருகில்
இருக்கும் நம் சொந்தகாரர்கள் வீட்டிற்கோ அல்லது வேறு இடத்திற்கோ
சென்று சில நாட்கள் எல்லா வற்றையும் மறந்து நிம்மதியாக
இருந்துவிட்டு வரவேண்டும் .

அப்புறம் தான் இருக்கவே இருக்கிறது வேலை,பள்ளி,கல்லூரி,சமையலறை...

Saturday, July 5, 2008

பொடிப்பசங்க

சில கேள்விகள்...அனைத்து கேள்விகளும் கேட்டது
பொடி பசங்க. ஆனா பதில் தெரியாம முழிச்சது பெரியவங்க...

***********************************************

இடம் : திருவள்ளூர் கோவில்

என் மகன்: எதுக்குப்பா உம்மாச்சி கோவில்ல போலீஸ் இருக்கு?

நான் : கூட்டம் ஜாஸ்தி இருந்தால் யாரும் திருடன் வராம
இருக்கவும்,கோவில்ல எதுவும் எடுக்காம இருக்கவும்...

என் மகன் : அப்பா, உம்மாச்சி தான போலீசையும் காப்பத்தனும் போலீஸ்
எப்படி உம்மாச்சி கோவில்ல எதுவும் நடக்காம காப்பாத்த முடியும்?

நான் : ங்கே :-))

***********************************************

இடம் : திருவள்ளூர் கோவில்

என் மகன்: எதுக்குப்பா உம்மாச்சி இங்க மட்டும் படுத்துண்டு இருக்கு?

நான் : ஒவ்வொரு கோவில்ல ஒவ்வொரு மாதிரி இருக்கும்

என் மகன் : அப்படி இல்ல , எனக்கு தெரியும்...

நான் : என்ன சொல்லு?

என் மகன் : எல்லா கோவிலுக்கும் போயிட்டு இங்க வரும்போது
உம்மாச்சி tired ஆயிடுத்து , அதான் rest எதுக்க படுத்துண்டு இருக்கார்

நான்: ????

***********************************************

நண்பர் ஒருவர் Hardware Engineer ஆக இருக்கிறார்.

அவர் மகன்: அப்பா இந்த mouse கொஞ்சம் laptopல போட்டு குடுப்பா

நண்பர்: அது இந்த laptop ல போட முடியாதுடா...(சும்மா அவனுக்காக)

மகன்: (கஷ்டப்பட்டு போட்டுவிட்டு) நான் போட்டுட்டேன் பார், உனக்கு யார்
computerla வேலை கொடுத்தாங்களோ?

நண்பர்: என் நேரம்டா....

***********************************************

சொந்தகாரர் ஒருவரின் குழந்தை பேசியதை என்னால் மறக்கவே முடியாது...

அவர்கள் வெளி நாட்டில் வசிக்கிறார்கள். விடுமுறைக்கு ஒரு சமயம் இந்தியா வந்திருந்தனர்.அப்பொழுது அந்த குட்டி பையன்(4 வயது)
அவன் பிச்சைகாரனுக்கு போட பத்து ரூபாய் கேட்டிருக்கிறான்.
பாட்டி ஐம்பத்து பைசா தான் கொடுத்திருக்கிறார்.
உடனே அவன் இப்படி செய்யாதே,நீ வயதாகி,பிச்சை எடுக்கும் போது நான்
எட்டணா குடுத்தால் உனக்கு எவ்வளோ கஷ்டமாக இருக்கும்னு கேட்டானாம்????

&&&&&&&&&&&&&&&&&&&&&&&&&&&&&&&&&&&&&&&&&&&&&

இன்னும் நிறைய இருக்கு ... ஞாபகம் வரும்போது எழுதுவேன்..


&&&&&&&&&&&&&&&&&&&&&&&&&&&&&&&&&&&&&&&&&&&&&

Friday, July 4, 2008

இன்னும் கொஞ்சம்....

கருணாநிதிக்கு ஜெயலலிதாவை "அம்மா"னு கூப்பிட
பிடிக்காவிட்டாலும் அவர் வீட்டு மாடு "அம்மா"னு தான் கத்தும்

சிற்பி கல்ல உளியால அடிச்சா அது கலை
நாம சிற்பிய உளியால அடிச்சா அது கொலை

என்னதான் javaல threads இருந்தாலும்
அதவெச்சு துணி நெய்ய முடியாது

ஆயிரம் தான் இருந்தாலும்
1001 தான் பெருசு.

முக்காலில உக்காரலாம் நாற்காலில உக்காரலாம்
ஆனா தக்காளில உக்கார முடியுமா?

Files இருந்தா உக்காந்து பாக்கணும்
Piles இருந்தா பார்த்து உக்காரணும்

பாம்பு எத்தனை தடவை படம் எடுத்தாலும் அதால
தியேட்டர்ல ஒரு தடவை கூட ரிலீஸ் பண்ண முடியாது

Hand wash அப்படினா கை கழுவறது
Face wash அப்படின்னா முகம் கழுவறது
Brain wash அப்படின்னா மூளையை கழுவறதா?

பணம் வரும் போகும்
பதவி வரும் போகும்
காதல் வரும் போகும்
கவலை வரும் போகும்
AIDS வரும் போகாது